Our Ventures :-

Bacchan Panday Ki Toli

Synopsis

Ye kahani hai Dharam Pura gaon ki, ye ek aisa gaon hai jise MR. R.K. Murti ne bade hi chaav se basaya tha, imandari, mehnat, aadarsh jaise jitane bhi gun insaan mein hote hain, veh saare gun unmein the, aur aise hi logo ki is gaon mein basane ki unhone kaamna ki thi, par aaj unka sapna sapna banker reh gaya, aur yahan jurm ke jitane ki tareeke hain, saare tareeke istemal karnewale log bas gaye, ek tarah se kaha jaye ki yahan jurm barsat ke mausam men ugati ghaas ki tarah ugane aur failne laga toh koi badi baat nahin hogi., yahan ke jurm ko dekhate hue unhone yahan ek police chouki bhi banayee thi, par yahan ke mujrim itane khatarnak the ki unhone aajtak ek bhi police wale ko is chouki men tikane nahin diya, yahan tak ki phir Sarkar ne bhi is chouki ki koi khabar nahin lee, aur ye chouki ek Gumnaam Chowki banker reh gayee.)

Khair purani kahavat hai, ek din kutte ke bhi din badalte hain, ye toh phir bhi gaon tha, jahan kutte bhi basate the, vaise bhi yahan ke mujrim kisi pagal kutte se kum nahin the, is gaon ke bhi din badale. (Mr.Bachchan Pandey, police commissioner ne is gaon ko sudharne ki, yahan ke jurm ko jad se khatam kar dene ki kasam khai, aur iske liye unhe prerna mili, Film "Sholay". Se, aur unhone socha, jaise loha lohe ko katata hai vaise hi Mujrim hi mujrim se takra sakte hain, aur yahin sochkar unhone paanch aise mujrim pasand kiye jo apani apani harkaton ki vajah se kisi na kisi jurm men saza kaat rahe the, halaki voh dil ke bure nahin the, haan, dimag ke zarur paidal the, aur yahin vajah thi ki unki mamooli herkaten bhi jurm ban gayee, aur jurm bani toh saza bhi hui. Aaiye, in namoono ke bare men hum thoda bata dete hain, Inme sabse pehle hai.....

Duration

30 Mins